(Seite 47c) 1536. Streitigkeiten zwischen Breitscheid und Rabenscheid. / B 661, Blatt 164 ff.            Auf eine Klage Rabenscheids an den Keller zu Driedorf über Breitscheid rechtfertigt sich Breitscheid wie folgt.: "Wolgebornner Graue Auch Ernuesten (Ehrenfeste) vnd Achtbarenn Rethe vnnd Beuelhaber (Befehlhaber), Genediger Her, liebenn Jonn = ckern vnnd gebiether. Vff Martins vonn der Dannen Kellers zu Dridorffs schrifft an den Stathalter ann der Laene (Marburg) vßgan = genn, der Datum stehet Dinstags nach Exaudi, dis lauffenden Jars, zu antwortenn, Thun v. g. vnst vnnd achtbarkeit wir vnndertheniglichen vnd dinstlich zu erkennenn, das die von Ra = benscheit sich inn irer ilagenn, die sie gedachtem Keller anbracht, das wir sie des ernanten Montags vß irer vmbfart vnnd ge = rechtigkeit, mit werehafftiger Handt vertrieben, vnnd mit buchsen vnder sie geschossen habenn soltenn ferre vnnd weith an der warheitt vergriffen, Dann es hat sich desselbigen tags im vndern (Nachmittag) begeben, das vnser gemeiner Hirt mit vn = serm vyhe auß gefarenn, in vnnd uff vnnserm eigen auch Le = hen guttern, die wir vergeltenn (des orts die Rabenscheiter vnnd wir keynn Zweytragt gehabt), gehudet, wir meistlich zu feldt menlichen in seiner arbeit, vnd keins argenn besorgt gewest, So habenn sich die Rabenscheiter deß muthwillenn nit enthaltenn sonder mit werhafftigenn Hendenn, Helnbartenn, spissen vnnd stangen vnsernn hirten vnnd das wyhe angelauffenn, mit helm = bartenn vnnd spissen, Als ienenn vnser hirt entlauffenn, vff vnnser wyhe, vnnd des ein ein Deils geschlagenn, das es nun dem hirtenn nit folgenn kann, mussen solichs im Dorff den stellen (Ställen) oder vmb die Zeun enthaltenn, solichs irn vbermutigs onpillichs (unrechtes) handelnn hat vnser hirt mit geschrey ins Dorff bracht, also sein wir menlicher auß seiner arbeit ins Dorff gelauffen, in der eyle jglicher ein gewer wes ime das nehst gewest, ergriffenn, also hinauß gelauffenn, vnd haben vnser vyhe hart bey vnserm Dorff funden vnd gese = henn das die Rabenscheiter ihres Dorffs widder gesonnen, wir seyn inen nit gefolgt, haben args mit argem nit vergultenn, darzu ist kein buchsen schoß nach ine gescheen, sie werden auch keinen verletzigten Fortsetzung Seite 48

seite-47b - seite-48

zurück zur Chronik